Home / تازا ترين / ايندڙ ٽن ڏينهن دوران ملڪ ۾ پيٽرول جي صورتحال بهتر ٿي ويند: عمر ايوب

ايندڙ ٽن ڏينهن دوران ملڪ ۾ پيٽرول جي صورتحال بهتر ٿي ويند: عمر ايوب

پشاور (م ڊ ) پيٽروليم واري وفاقي وزير عمر ايوب دعويٰ ڪئي آهي ته ايندڙ ٽن ڏينهن دوران ملڪ ۾ پيٽرول جي صورتحال بهتر ٿي ويندي.پشاور هاءِ ڪورٽ ٻاهران صحافين سان ڳالهيون ڪندي عمر ايوب چيو ته جيڪي ذخيره اندوزي ڪري رهيا آهن انهن جي خلاف ڪارروائي ڪري رهيا آهيون.هي مافيا عوام تائين پيٽرول جو فائدو نه پئي پهچائڻ ڏئي ۽ هن مافيا جي خلاف پهريون ڀيرو ڪارروائي ٿي رهي آهي. وفاقي وزير دعويٰ ڪئي ته ايندڙ ٽن ڏينهن دوران صورتحال بهتر ٿي ويندي. عمر ايوب وڌيڪ چيو ته پيٽرول جي گهرج 30 سيڪڙو وڌي وئي آهي.واضح رهي ته پاڪستان ۾ پيٽروليم وارين شين جي اگهن ۾ لاٿ کان پوءِ پهرين جون کان سڄي ملڪ جي پيٽرول پمپن تي پيٽرول نه ملڻ جون شڪايتون  اچي رهيون آهن ۽ حڪومت هينئر تائين هن مسئلي کي حل ڪرڻ ۾ ناڪام ٿي وئي آهي.ملڪ جي مختلف شهرن ۾ پيٽرول جي کوٽ برقرار آهي، ڪيترائي پيٽرول پمپ کليل ته آهن پر انهن تي پيٽرول نه ملي رهيو آهي ۽ جن پمپن تي پيٽرول ملي پيو اتي صارفين جون وڏيون لائنون لڳل آهن.

بابت admin

هي به ڏسي سگهو ٿا

تعليمي ادارا فيصلي سان درسي عمل متاثر ٿيندو: شفقت محمود

اسلام آباد: (م ڊ)  تعليم کاتي جي وفاقي وزير شفقت محمود چيو آهي ته تعليمي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے